|
CANTO DEI SANFEDISTI (anonimo) A lu suono de grancascia
viva viva lu populo bascio
A lu suono dei tamburrielli
so' risurte li puverielli
A lu suono de campane
viva viva li pupulane
A lu suono de viulini
morte alli giacubbine. Sona sona
sona Carmagnola
sona li cunzigli
viva 'o rre cu la Famiglia. A sant'Eremo tanto forte
l'hanno fatto comme 'a ricotta
A 'stu curnuto sbrevognato
l'hanno miso 'a mitria 'ncapa
Maistà chi t'ha traruto
chistu stommaco chi ha avuto
'e signure 'e cavaliere
te vulevano priggiuniere. Sona sona
sona Carmagnola
sona li cunzigli
viva 'o rre cu la Famiglia. Alli tridece di giugno
sant'Antonio gluriuso
'e signure 'sti birbante
'e facettero 'o mazzo tanto
So' venute li Francise
aute tasse 'nce hanno miso
Libertè... Egalitè...
io arrobbo a te
tu arrubbe a me. Sona sona
sona Carmagnola
sona li cunzigli
viva 'o rre cu la Famiglia. Li Francise so' arrivate
'nce hanno bbuono carusate
evvualà evvualà
cavece 'nculo alla libertà
Addò è gghiuta 'onna Eleonora
c'abballava 'ncoppa 'o teatro
mò abballa miez' 'o mercato
'nzieme cu mastu Donato. Sona sona
sona Carmagnola
sona li cunzigli
viva 'o rre cu la Famiglia. A lu ponte 'a Maddalena
'onna Luisa è asciuta prena
e tre miedece che banno
nun la ponno fa sgravà
A lu muolo senza guerra
se tiraje l'albero 'nterra
afferraino 'e giacubbine
'e facettero 'na mappina. Sona sona
sona Carmagnola
sona li cunzigli
viva 'o rre cu la Famiglia. |
